Në fillim u mendua se ishte e gjitha shaka, nga ato që duan të tërheqin vëmendjen në mbrëmje të mëdha të rëndësishme, siç padyshim është ceremonia e ndarjes së çmimeve Oscar. Por, për çudinë e të gjithëve nuk ishte kështu dhe Will Smith nuk u përmbajt e arriti të trazojë ujërat. Aktorit të njohur hollivudian, nuk i mbajtën nervat kur gjatë prezantimit të dokumentarit më të mirë fitues, komediani Chris Rock bëri një batutë për prerjen shumë shkurt të flokëve nga Jada Pinkett Smith, bashkëshortja e Will-it, e cila vuan nga alopecia, sëmundje autoimune që shkakton rënien e flokëve. Will u çua nga vendi ku qëndronte i ulur dhe iu drejtua skenës ku grushtoi kolegun.
Më vonë Denzel Washington dhe Bradley Cooper u panë duke ngushëlluar yllin e “King Richard”. Reporteri i “Hollywood Reporter”, Scott Feinberg kapi momentin kur Washington iu afrua Smith gjatë një pauze reklame dhe e ndau atë në Twitter. Në mbishkrimin e postimit, ai shkroi:
Gjatë pushimit të reklamave, Will Smith tërhiqet mënjanë dhe ngushëllohet nga Denzel Washington dhe Tyler Perry. Will duket se fshin lotët nga sytë e tij ndërsa ulet përsëri me Jada-n, me Denzel që ngushëllon Jada-n dhe përfaqësuesin e Will pranë tij.
During the commercial break, Will Smith is pulled aside and comforted by Denzel Washington and Tyler Perry, who motion for him to brush it off. Will appears to wipe tears from his eyes as he sits back down with Jada, with Denzel comforting Jada and Will’s rep by his side. pic.twitter.com/uDGVnWrSS2
— Scott Feinberg (@ScottFeinberg) March 28, 2022
Smith konfirmoi gjatë fjalimit të tij për aktorin më të mirë se Washington i tha atij:
Në momentin tuaj më të lartë, kini kujdes – atëherë djalli vjen për ty.
Duket se Smith kishte nevojë të qetësohej më tej pas bisedës me Washington, sepse edhe Bradley Cooper u pa duke biseduar me Smith gjatë pushimit. Para pushimit të reklamës, Rock, 57 vjeç, doli në skenë për të paraqitur çmimin e Akademisë për “Dokumentarin më të Mirë”. Por përpara se të shpallte të nominuarit, komediani u tall me Jada Pinkett Smith.
Will fillimisht qeshi me shakanë, por Jada Pinkett Smith u pa duke rrotulluar sytë. Kamera më pas e kapi Smith duke u ngjitur në skenë dhe duke goditur me shuplakë Rock-un, teksa kur u kthye në vendin e tij, ai bërtiti:
Mbaje emrin e gruas sime larg nga goja jote.
Rock u duk i zënë në befasi, por vazhdoi të ruante qetësinë dhe prezantoi çmimin. Në vitin 2018, Pinkett Smith zbuloi se kishte pësuar rënie të flokëve për shkak të betejave të saj me alopecinë.
