Ditën e sotme Shqipëria feston 111-vjetorin e Pavarësisë. E në këtë ditë të madhe për të gjithë shqiptarët festat dhe urimet janë të shumta. Shqiptarët anë e mbanë botës kanë uruar në këtë ditë të shënuar, përfshirë këtu edhe personazhet e njohur.
Mbrëmjen e djeshme në Prishtinë është organizuar një festë me rastin e Pavarësisë së Shqipërisë, ku shumë artistë dhe personazhe të njohur janë mbledhur për të festuar së bashku. Mes tyre kanë qenë dhe këngëtarja me origjinë kosovare, Rita Ora, e cila ndodhet në Kosovë që prej 26 nëntorit së bashku me bashkëshortin e saj. Ajo çfarë mori shumë vëmendjen së fundi në Instagram ishte fotoja e Ritës dhe këngëtares Dafina Zeqiri, të cilat nga fotot duken si dy mikesha të ngushta.
![](https://www.topalbaniaradio.com/v7/wp-content/uploads/2023/11/WhatsApp-Image-2023-11-28-at-4.03.23-PM.jpeg)
Artistja me famë botërore Dua Lipa edhe pse jo në Shqipëri ka bërë disa postime në “Instastory” ku ka uruar festën e Pavarësisë në gjuhën shqipe shoqëruar me flamurin dhe simbolin e shqiponjës. Përpos kësaj këngëtarja e famshme ka postuar edhe disa foto të saj nga vizita e një viti më parë në Shqipëri e mbuluar me flamurin kuq e zi.