Sulmuesi i Austrisë, Marko Arnautović, ashtu sikurse shumë tifozë dhe lojtarë tjerë mendon se Lionel Messi dhe Cristiano Ronaldo nuk janë njerëz. 32-vjeçari, i cili ka shënuar një herë për Austrinë në Kampionatin Evropian të kësaj vere, është i bindur se dyshja Messi-Ronaldo kanë ardhur nga një planet tjetër për të marrë të gjitha trofetë dhe për të dominuar ligat e tyre përkatëse.
Duke folur për mediat përpara ndeshjes së 1/8-tës së Austrisë kundër Italisë të shtunën në mbrëmje, ish-sulmuesi i Interit u pyet për pesë herë fituesin e Topit të Artë, Ronaldo, i cili shënoi dy herë kundër Francës në Grupin F të mërkurën. Arnautović pastaj solli në diskutim edhe rivalin më të madh të Ronaldos, Messin.
Kur bëhet fjalë për Ronaldon, ne nuk po flasim për një qenie njerëzore. Çfarë mund të them më shumë për të? Për mua, ata janë dy lojtarë që vijnë nga një planet tjetër. Ata kanë ardhur nga diku krejt ndryshe. Ata kanë mbërritur këtu për një kohë të shkurtër për të nxitur të gjitha ligat dhe garat, për të marrë të gjitha trofetë me vete dhe më pas për t’u larguar. Ky është Ronaldo dhe Lionel Messi.
Rikujtojmë, se futbollisti i Austrisë me origjinë serbe Arnautović u dënua nga UEFA me 1 ndeshje pezullim nga Komisioni i Etikës dhe Disiplinës në këtë organizëm për shkak të ofendimeve me bazë raciste ndaj futbollistëve shqiptarë të Maqedonisë së Veriut.
