Rreth 200 njerëz të lyer vetëm me bojë të bardhë, kanë ecur nudo nëpër shkretëtirë pranë Detit të Vdekur, pjesë e projektit më të fundit të fotografisë të artistit amerikan Spencer Tunick. Fotografi 54-vjeçar vizitoi vendin në Izraelin jugor, si mysafir i ministrisë së turizmit, për të portretizuar për herë të tretë tkurrjen e Detit të Vdekur përmes subjekteve nudo.
Ndërkaq, ai u shpreh se:
Për mua trupi përfaqëson bukurinë, jetën dhe dashurinë.
Studentja e doktoratës Anna Kleiman, 26-vjeçe, tha se ajo iu bashkua xhirimeve për të sjellë ndërgjegjësimin ndaj krizës mjedisore.
Ndihet vërtet e natyrshme, sapo të hiqni rrobat. Ju nuk doni t’i vishni përsëri…
Ju rikujtojmë, se aktori hollivudian, Leonardo DiCaprio vazhdon të konfirmojë vëmendjen ndaj mjedisit dhe ka vendosur të investojë në sektorin e kultivimit të mishit, në veçanti të viçit, në përputhje me normat e respektimit të ambientit.
Liderë në këtë fushë, Aleph Farms e Mosa Meat, njoftuan përfshirjen e aktorit të njohur në kompanitë e tyre. Fituesi i çmimit Oscar është i mendimit se një prej mënyrave më efikase për të luftuar krizën e klimës është transformimi i sistemit tonë ushqimor.
Ju sjellim në vëmendje rastin e Nina Gomes e cila mund të jetë ambientalistja më e vogël në botë, por që jep kontributin e saj për mjedisin. Me syze rozë dhe vetëm 4-vjeçe, ajo mbledh mbeturina me babanë e saj përgjatë plazheve të Rio de Janeiro-s. Gomes lëviz drejt plazheve të ndotura të Gjirit Guanabara të Rios, ku ajo mbledh shishet plastike dhe dhe i vendos në një rrjetë.