Italia dhe Argjentina, do të shkruajnë historinë si dy kombëtaret e para që do të garojnë për trofeun që do të quhet “Kupa Maradona”. Diskutimet janë zhvilluar mes UEFA-s dhe CONMEBOL, ndërsa së fundmi edhe FIFA e ka dhënë miratimin për ndeshjen midis kampionëve të Evropës dhe Amerikës së Jugut.
Via Tariq Panja of the New York Times: EURO 2020 winner Italy plan to play Copa America winner Argentina in a match to honor Diego Maradona in Napoli ❤️ pic.twitter.com/HSE1avlljd
— International Champions Cup (@IntChampionsCup) July 14, 2021
Organi më i lartë i futbollit botëror miratoi duelin ndërmjet Italisë dhe Argjentinës, për nder të Diego Armando Maradona-s. Ndeshja do të luhet në Napoli, në shtëpinë e dytë të Maradona-s, ndërsa mendohet që organizimi të zhvillohet në dhjetor të këtij viti, ose në janar të 2022-shit.
Jo rastësisht, trofeu do të quhet “Kupa Maradona”. Itali-Argjentinë do të luhet në vend të Kupës së Konfederatave, që mbahet që nga viti 1992 dhe herën e fundit u zhvillua në vitin 2017. Legjenda argjentinase, kishte një lidhje të fortë me të dyja vendet, pasi kishte luajtur në Itali për 7 vjet.
Fifa has give the greenlight to a one off game between Copa America winners Argentina and Euro winners Italy. The tribute to Maradona (rumored to be named Diego Maradona Cup) may be held in December during domestic league breaks. Venue will likely be Napoli's stadium. 🇮🇹🇦🇷⚽ pic.twitter.com/qNeiEgqluU
— SVS (@ShirtvSkin) July 14, 2021
Rikujtojmë, se së fundmi, tifozët e Anglisë kanë kërkuar përmes një peticioni që UEFA të rikthejë finalen e “Euro 2020” pas sfidës tronditëse të Giorgio Chiellinit ndaj Bukayo Sakas. Lojtarët e Gareth Southgate u mundën nga Italia gjatë një ekzekutimi penalltish në Wembley ditën e dielë.
Gjatë “Euro 2020” u shënuan shumë gola të bukur. UEFA hapi dje votimin për të përzgjedhur më të bukurin dhe me 800 mijë vota e fitoi ai i Patrick Schick. Sulmuesi i Republikës Çeke realizoi kundër Skocisë në ndeshjen e parë në grupe mes këtyre skuadrave. Schick tentoi me një gjuajtjeje të kalibruar nga 50 metra, duke parë edhe daljen e portierit.
Ndërkaq, UEFA ka nisur procedurë disiplinore për ngjarjet rreth finales së “Euro 2020”, duke përfshirë edhe veprimet e tifozëve të Anglisë brenda dhe rreth stadiumit “Wembley”. Tifozët janë rrahur me pjesëtarët e sigurimit dhe policët, ndërsa janë përpjekur të hyjnë brenda stadiumit ditën e ndeshjes.
