Raportet mes ish-banoreve të “Big Brother VIP Kosova”, Xheneta Fetahu dhe Kader Kiçaj, duket se janë prishur pas një incidenti që ndodhi javën e kaluar gjatë emisionit “E Diell” në Top Channel.
Gjithçka nisi kur Xheneta përmendi në studio ish-partnerin e Kaderit, Lumbardh Salihu, çka e bëri bukuroshen nga Prizreni të largohej nga emisioni e të linte studion.
Si pasojë, vajzat nuk e ndjekin më njëra-tjetrën në rrjetet sociale.
Situata u tensionua edhe më tej këtë të diel, kur Xheneta zbuloi gjatë programit se është kërcënuar nga i dashuri aktual i Kaderit.
Javën e kaluar, pas emisionit, më mori në telefon dhe më kërcënoi. Nuk e di çfarë problemi kanë
Ajo shtoi:
Janë shumë të ulëta gocat që bëjnë këto gjëra.
Ndërkohë, miqësia dikur e mirë mes tyre tashmë duket se i ka lënë vendin ftohtësisë dhe mosmarrëveshjeve.
