Rey Manaj do të jetë lojtari më i ri i skuadrës italiane, Spezia, tashmë edhe marrëveshja është pranë përfundimit.
Sulmuesit shqiptar do të largohet nga Barcelona për t’u rikthyer në kampionatin italian.
Në të kaluarën, 24-vjeçari kishte qenë pjesë e Interit, për të kaluar pastaj te disa skuadra para transferimit të tij te Barcelona.
Por, katalanasit nuk kishin hapsirë për shqiptarin në skuadrën e parë, andaj vendosën ta dërgojnë atë në huazim.
Sipas të gjitha gjasave, Spezia pritet të blejë kartonin e lojtarit, derisa Barcelona do të përfitoj tre milionë euro
Sipas ekspertit të transferimeve, Fabrizio Romano, marrëveshja e plotë për huazim me opsion blerje është arritur.
“Rey Manaj kalon te Spezia nga Barcelona për huazim me opsion blerje për 3 milionë euro. Kontratat e kompletuara dhe të nënshkruara”, shkroi ai.
https://twitter.com/FabrizioRomano/status/1432695709803892736?ref_src=twsrc%5Etfw%7Ctwcamp%5Etweetembed%7Ctwterm%5E1432695709803892736%7Ctwgr%5E%7Ctwcon%5Es1_&ref_url=https%3A%2F%2Flajmi.net%2Fweb%2Ftweet-button
Momentalisht Manaj është në Varshavë me kombëtaren shqiptare, në përgatitje të ndeshjes me Poloninë që luhet të enjte në 20:45
