Nëse tingujt si përtypja, frymëmarrja, ose tingulli i stilolapsit mund t’ju shkaktojnë zemërim ose ankth, mund të vuani nga një çrregullim i quajtur “misofonia”.
Ky çrregullim i trurit shkakton një reagim emocional të fortë ndaj tingujve të caktuar, sidomos atyre që janë të përsëritur ose që lidhen me përtypjen.
Edhe pse shkaku i saktë i misofonisë nuk është kuptuar plotësisht, disa studime sugjerojnë se kjo mund të lidhet me një reagim të tepruar të sistemit të dëgjimit në tru ose me një problem në përpunimin e tingujve.
Ky çrregullim mund të ketë ndikim të madh në jetën sociale të individëve, por ka mundësi trajtimi si terapitë e desensibilizimit të tingujve dhe terapia konjitive për menaxhimin e simptomave.
