Pas operacionit amerikan në Venezuelë, kapjes së presidentit Nicolas Maduro dhe gruas së tij Cilia Flores, të cilët u transferuan në një vendndodhje të panjohur jashtë vendit, e ardhmja e Venezuelës është larg të qenit e qartë.
Kushtetuta përcakton që pushteti duhet t’i kalojë zëvendëspresidentes Delcy Rodríguez. Por e ardhmja e regjimit është e pasigurt dhe opozita, si brenda ashtu edhe jashtë vendit, ka të ngjarë ta shohë këtë moment si një mundësi vendimtare.
Mes kësaj pasigurie të madhe, thekson CNN, po dalin në pah disa skenarë.
Rruga Institucionale:
Sipas këtij skenari, ndiqet rruga kushtetuese:
Neni 233 përcakton rastin e “mungesës absolute” të presidentit. Në këtë rast, Zëvendëspresidentja Ekzekutive, Delcy Rodríguez merr pushtetin dhe shpall zgjedhjet brenda 30 ditëve. Presidenti i sapozgjedhur shërben një mandat të plotë gjashtëvjeçar.
Regjimi shembet dhe zyrtarët e tij të lartë japin dorëheqjen ose ikin. Kandidati më i mundshëm i opozitës është Edmundo González Urrutia, i cili kandidoi në zgjedhjet e vitit 2024.
González, një akademik dhe diplomat veteran, tani është në Spanjë. Ai mbështetet nga fituesja e fundit e Çmimit Nobel për Paqen, aktivistja për demokraci María Corina Machado.
Duke folur në Oslo, muajin e kaluar pasi mori çmimin, Machado tha se lëvizja e saj po përgatitej për “një tranzicion të rregullt dhe paqësor” sapo Maduro të largohej.
Në dhjetor, deklaroi se González e kishte ftuar të shërbente si zv.presidente dhe se “shumica dërrmuese” e policisë dhe forcave të armatosura do të zbatonin urdhrat e administratës së re sapo të fillonte tranzicioni politik.
Një grusht shteti ushtarak
Ministri aktual i Mbrojtjes, Vladimir Padrino López, foli pas sulmit të sotëm amerikan, duke deklaruar se Venezuela do të kundërshtojë praninë e trupave të huaja në vend.
Ky pushtim përfaqëson zemërimin më të madh që vendi ka përjetuar ndonjëherë.
Presidenti amerikan, Donald Trump tha se Shtetet e Bashkuara do të drejtojnë Venezuelën deri në realizimin e një tranzicioni paqësor të pushtetit.
Sipas Trump-it, kompanitë amerikane të naftës do të rregullojnë infrastrukturën e shkatërruar të Venezuelës. Ndërkaq, shtoi se janë gati për një sulm edhe më të madh në rast nevoje.
Në Nju Jork, Maduro akuzohet për trafik droge dhe armësh.
