Gjatë dimrit, gripi përhapet me shpejtësi dhe mund të shkaktojë pasoja serioze, megjithëse shpesh nënvlerësohet. Ekspertët paralajmërojnë se disa njerëz mund të përjetojnë simptoma të vazhdueshme, si lodhje ekstreme, dhimbje muskujsh dhe vështirësi për t’u përqendruar, që zgjasin javë të tëra.
Për më tepër, gripi mund të rrisë rrezikun e atakut në zemër dhe goditjes në tru pas përfundimit të tij.
Një nga gabimet më të zakonshme është nënvlerësimi i simptomave. Edhe kur ndihen të lehta, është e rëndësishme të qëndrojmë në shtëpi dhe të lejojmë trupin të rikuperohet, duke mbrojtur edhe të tjerët përreth nesh. Puna nga distanca e bën këtë më të lehtë se kurrë.
Edhe përdorimi i tepërt i vitaminës C mund të jetë problematik. Konsumi mbi 2,000 mg në ditë mund të shkaktojë dhimbje stomaku dhe diarre.
Po ashtu, disa trajtime shtëpiake, si çajrat me xhenxhefil, mund të ndërveprojnë me ilaçet, ndaj konsultimi me mjekun mbetet i nevojshëm.
Ekspertët nënvizojnë se edhe ata jashtë grupeve vulnerabël duhet të kërkojnë kujdes mjekësor nëse simptomat përkeqësohen. Ilaçet e marra brenda 48 orëve të para mund të ulin ndjeshëm simptomat dhe ndërlikimet.
Vaksinimi çdo vit dhe kujdesi i duhur mbeten mënyrat më të mira për të mbrojtur shëndetin gjatë sezonit të gripit.
