Këngëtarja dhe aktorja amerikane Dove Cameron dhe frontmeni i grupit italian Måneskin, Damiano David, kanë zyrtarizuar hapat e radhës në romancën e tyre – ata janë fejuar pas dy vitesh lidhje.
Lajmi u konfirmua nga TMZ, e cila publikoi foto të çiftit gjatë qëndrimit të tyre në Sydney, Australi.
Në imazhe, të dy shihen duke ecur dorë për dore, të veshur me rroba të zeza, ndërsa Cameron, 29 vjeçe, mbante një kostum elegant.
Historia e dashurisë së çiftit nisi në vitin 2023, dhe u bë publike në nëntor të atij viti, kur ata u fotografuan duke shkëmbyer puthje në një plazh në Sydney.
Vetëm disa javë më parë, Dove ndau një postim emocional në rrjetet sociale me rastin e dyvjetorit të lidhjes së tyre, duke e përshkruar Damiano-n si “bekimin më të madh” të jetës së saj.
Dy vitet më të mira të jetës sime. Jam e prekur deri në lot të paktën një herë në javë sepse jeta është bërë kaq e bukur që kur ti hyre në të. Të dua në një mënyrë që nuk do ta shpreh dot kurrë me fjalë, por nuk do të ndalem së provuari
-shkroi ajo.
Fejesa e çiftit është pritur me shumë entuziazëm nga fansat, të cilët i kanë përgëzuar në rrjetet sociale, duke i quajtur “një nga çiftet më ikonike të muzikës moderne.”
