Këngëtarja shqiptare me famë botërore, Dua Lipa, ka reaguar publikisht ndaj raportimeve të fundit në mediat britanike që pretendonin se ajo kishte larguar nga puna agjentin e saj, David Levy.
Përmes një InstaStory, artistja 29-vjeçare u shpreh e indinjuar nga mënyra si u raportua lajmi dhe akuzoi mediat për manipulim:
Nuk miratoj veprimet e David Levy-t apo të drejtuesve të tjerë të industrisë muzikore ndaj një artisti që thotë të vërtetën e vet. Nuk mund të injoroj as mënyrën se si është trajtuar kjo çështje në media
-shkroi Dua.
Ajo reagoi ashpër ndaj gjuhës së përdorur nga Daily Mail, duke e cilësuar si të qëllimshme për të krijuar ndasi dhe për të gjeneruar klikime:
Historia ishte plotësisht e rreme dhe gjuha e përdorur ishte provokuese. Unë gjithmonë mbështes Palestinën, por shfrytëzimi i një tragjedie globale për të shitur gazeta më shqetëson thellësisht
Fushata, e mbështetur nga Levy dhe disa figura të tjera të industrisë muzikore izraelite, u bë publike pas rrjedhjes së një emaili “privat dhe konfidencial”.
Dua Lipa i cilësoi këto raportime si të pavërteta dhe theksoi se nuk do të lejojë që emri i saj të përdoret për përfitime sensacionale.
