Harry Styles dhe Zoë Kravitz raportohet se kanë hedhur hapin e madh në marrëdhënien e tyre, pasi sipas burimeve për median amerikane “People”, çifti është fejuar në fshehtësi.
Sipas të njëjtit burim, lajmi është ndarë vetëm me një rreth të vogël miqsh të afërt, ndërsa aktorja është parë duke treguar unazën e fejesës mes njerëzve të besuar.
Dyshimet nisën pasi Kravitz u fotografua në London me një unazë të madhe në gishtin e fejesës, gjatë një momenti pranë këngëtarit të hitit “Watermelon Sugar”.
Ajo ishte parë me të njëjtën unazë edhe disa ditë më herët gjatë një daljeje tjetër publike.
Historia e tyre e dashurisë nisi publikisht në gusht të vitit 2025, kur u panë duke ecur dorë për dore në Romë. Më pas, mediat ndërkombëtare raportuan për takime romantike dhe puthje në Londër, duke forcuar zërat për një lidhje serioze.
Gjatë muajve të fundit, çifti është parë shpesh mes Londrës dhe New York City, ndërsa thuhet se kanë kaluar edhe periudha të gjata në Rome, larg vëmendjes së publikut.
Raportohet gjithashtu se familja e aktores, përfshirë babain e saj Lenny Kravitz, ka krijuar përshtypje shumë pozitive për Styles, duke e konsideruar të sjellshëm, me humor dhe të respektueshëm.
Edhe pse asnjëri prej tyre nuk ka reaguar publikisht, fansat tashmë po flasin për një dasmë të mundshme që mund të tronditë botën e showbiz-it.
