Harry Styles dhe partnerja e tij, aktorja Zoë Kravitz, u panë duke shijuar një drekë romantike në klubin privat Chez Margaux në New York City të hënën.
Këngëtari britanik, 32 vjeç, i cili ndodhet në qytet pas paraqitjes së tij surprizë në “Saturday Night Live” javën e kaluar dhe përpara se të drejtojë një episod të ardhshëm të emisionit, u përpoq të kalonte pa u vënë re.
Ai u shfaq me një stil casual, i veshur me një pallto blu të errët mbi një hoodie dhe xhinse, ndërsa mbante syze dielli për të fshehur pjesërisht fytyrën.
Ndërkohë, aktorja 37-vjeçare Zoë Kravitz, e njohur për rolin e saj në filmin “The Batman”, kishte veshur një pallto të gjatë të zezë prej leshi mbi një fustan krem të gjatë.
Ajo gjithashtu mbante syze dielli dhe një kapele bejsbolli, ndërsa kishte me vete një çantë prej kashte.
Çifti mbërriti në restorant me një SUV me shofer dhe u futën shpejt në ambientet e lokalit luksoz.
Romanca e tyre u përfol për herë të parë në gusht të vitit 2025, kur u panë së bashku për herë të parë në publik. Më vonë, në shtator, dyshja u fotografua edhe me babanë e aktores, muzikantin legjendar Lenny Kravitz, duke shtuar spekulimet se lidhja e tyre po bëhej gjithnjë e më serioze.
Në një intervistë të fundit në Apple Music, në emisionin “The Zane Lowe Show”, Harry Styles foli hapur për jetën e tij personale dhe dëshirën për të krijuar familje.
Ai tregoi se mori një pauzë trevjeçare nga muzika pasi përfundoi turneun e madh “Love On Tour” në vitin 2023, i cili përfshiu 169 koncerte në dy vite.
Sipas këngëtarit, fama shpesh mund të jetë e vetmuar dhe ai kishte nevojë të reflektonte për atë që dëshironte nga jeta.
Do të doja të jem i përmbushur dhe të kem marrëdhënie të mira me njerëzit. Dua miqësi të forta dhe një familje. Për këtë duhet të krijosh hapësirë në jetën tënde
-u shpreh ai.
Këngëtari theksoi gjithashtu se është e rëndësishme të ndërtosh një të ardhme me personin e duhur, duke shtuar se partneri i duhur mund të të ndihmojë të bëhesh një version më i mirë i vetes.
