Honda u ka bërë thirrje shoferëve të 294,612 makinave të tyre në SHBA, që të lajmërohen në pikën më të afërt të përfaqësisë së kësaj kompanie për të rregulluar problemin në motor, që sipas tyre po e nxit humbjen e fuqisë motorike. Kjo është bërë e ditur edhe nga Administrata Kombëtare e Sigurisë në Trafik. Këto makina janë të prodhuara nga viti 2022-2025 dhe bëhet fjalë për modelet Acura MDX Type-S, 2023-2025, Honda Pilot dhe 2021-2025, Acura TLX Type-S.
Një defekt i softuerit në njësinë e kontrollit elektronik të injektimit të karburantit, mund të shkaktojë ngecje të motorit ose humbje të fuqisë, duke rritur rrezikun e një përplasjeje ose lëndimi, tha rregullatori amerikan i sigurisë së automjeteve. Inxhinierët e Honda do të riprogramojnë softuerin FI-ECU, pa pagesë.
Honda, si shumë prodhues të tjerë, po përpiqet të kalojë valën e elektrifikimit të makinave, ndërsa në të njëjtën kohë duhet të mbajë një bazë të shoferëve besnikë. Kreu i zhvillimit të automjeteve të Honda, Toshihiro Akiva shpjegoi problemin me prodhimin e një “Honda EV argëtuese”.
Bateritë dhe motorët kanë karakteristika të ndryshme, kështu që ne nuk mund t’i bëjmë ato të jenë si më parë. Ne duhet të kuptojmë se si ta bëjmë një EV argëtuese për të vozitur. Ne nuk jemi dorëzuar, sigurisht, por nuk ka të bëjë vetëm me fuqinë, ka të bëjë me tingullin, dridhjet, nxitimin dhe gjithë përvojën. Të gjitha e bën një gëzim për të vozitur.
Honda dha një paraqitje të shkurtër të së ardhmes së saj në CES në Las Vegas, duke prezantuar dy prototipe të automjeteve elektrike: “0 Saloon” dhe “0 SUV”. Sipas drejtuesit të lartë të Honda-s për elektrifikimin, Katsushi Inoue, të dy modelet janë pothuajse gati për prodhim serik dhe do të lançohen në gjysmën e parë të 2026-ës. Këto automjete të reja elektrike janë pjesë e linjës “Seria 0”, e cila do të prodhohet në Honda EV Center në Ohio, SHBA. Detajet teknike nuk janë bërë të ditura. Në fakt, shumë pak dihet për këto koncepte përveç softuerit që do t’i kontrollojë ato.
