Egli Tako është në një nominim kokë më kokë me Laert Vasilin, për t’u shpallur finalisti/ja e dytë e këtij edicioni të “Big Brother VIP Albania”.
Në një bisedë me tone të larta me Joz Markun, pasi ai vijonte ta akuzonte për zgjedhjet dhe qëndrimin e saj ndaj Gjestit, Egli u shpreh e qetë dhe e pranueshme ndaj mënyrës se si mund të jetë perceptuar jashtë.
Edhe nëse kam dalë keq në një moment, nuk ka problem. Njerëzit mund të më kuptojnë më vonë. E rëndësishme është që më është njohur e vërteta ime
Ajo theksoi se nuk do të ndryshonte asgjë nga qëndrimi i saj në shtëpi, duke shtuar:
Kështu jam unë, me të mirat dhe të këqijat. Ky është Big Brother-i im.
Egli ka qenë një prej banoreve më të komentuara këtë sezon, dhe tashmë pritet me interes të madh se kush mes saj dhe Laertit do të sigurojë vendin në finalen e madhe të spektaklit.
