Së fundmi, Victoria’s Secret ka përzgjedhur yllin e “Never Have I Ever”, Darren Barnet, si ambasadorin e parë mashkull të markës së saj. Barnet, i cili luan si Paxton Hall-Yoshida në serialin e njohur të Netflix, shfaqet në fushatën e fundit për markën VS’ Pink, me stile sportive nga koleksioni i ri “Gender Free”.
CEO i VS’Pink, Amy Hauk në një deklaratë për shtyp tha se:
Ne jemi shumë të entuziazmuar për të njoftuar këtë partneritet, sepse Darren është një model kaq pozitiv për adoleshentët dhe të rinjtë. Ndërsa fokusohemi në zgjerimin e ofertave tona pa gjini dhe vazhdojmë të evoluojmë si markë, duam të sigurojmë që partnerët tanë jo vetëm të përfaqësojnë diversitetin e klientëve tanë, por edhe të mishërojnë individualitetin dhe vetëbesimin.
Ylli i Netflix bashkohet me ambasadorët e tjerë të Pink, përfshirë Chloe x Halle dhe yllin e mediave sociale, Remi Bader. Victoria’s Secret gjithashtu prezantoi së fundmi superyllin e TikTok, Emira D’Spain si modelen e parë transgjinore me ngjyrë që punon me markën e të brendshmeve.
Barnet do të promovojë lançimet e ardhshme, si dhe do të marrë pjesë në aktivitete të ndryshme që mbështesin iniciativat kryesore të markës, si pjesë e angazhimit të vazhdueshëm të Pink për gjithëpërfshirjen, nxitjen e shëndetit mendor pozitiv dhe fuqizimin e të rriturve të rinj.
Vetë Barnet shkroi në Instagram se çfarë do të thotë ky bashkëpunim për të…
Më në fund mund ta ndaj lajmin! Jam i nderuar që bashkohem me @vspink si ambasador i markës! Unë do të ndihmoj në lançimin e stileve të reja në koleksionin e tyre pa gjini, ndërkohë që do të mbështes iniciativat e tyre në fuqizimin e të rriturve të rinj dhe ndërgjegjësimin për shëndetin mendor. Jam shumë i emocionuar të ndaj disa nga këto stile të reja, por jam edhe më mirënjohës që mund të jem pjesë e një kauze të mirë. Do të doja që shëndeti mendor të ishte më i fokusuar kur isha adoleshent dhe shpresa ime është që ne të të dëgjohemi dhe të mbështetemi më shumë. Qëndroni të sintonizuar për përditësimet dhe shikoni koleksionin pa gjini në PINK.com.
https://www.instagram.com/p/Cciy0UGJBs9/?utm_source=ig_embed&ig_rid=8da2b360-3cf8-4efb-93aa-37ebdca74161
