Këngëtari Justin Bieber u përfshi në një moment tensioni me paparacët pasi doli për darkë me bashkëshorten e tij, Hailey Bieber.
Çifti sapo kishte përfunduar darkën në restorantin e njohur Sushi Park gjatë fundjavës, kur u përball me një grup fotografësh që prisnin jashtë.
Sipas një videoje të publikuar nga TMZ, këngëtari dukej i irrituar nga prania e paparacëve dhe u përpoq të fshihte fytyrën me krahun teksa po hynte në garazhin e parkimit.
Ndërsa kamerat vazhdonin të shkrepnin foto, Justin Bieber hodhi një shishe plastike gjysmë të mbushur me ujë në drejtim të paparacëve mbi makinë, përpara se ai dhe Hailey Bieber të largoheshin me automjetin e tyre.
Në video dëgjohet gjithashtu një burrë, që besohet të jetë shoferi, duke u thënë fotografëve të “bëjnë pak vend” dhe të largohen.
Më herët gjatë ditës, çifti ishte parë edhe për drekë në South Beverly Grill.
Kjo nuk është hera e parë që Justin Bieber përballet me paparacët. Në qershor të vitit të kaluar, ai pati një përplasje të ngjashme me fotografët pranë Soho House Malibu.
Nuk po e kupton. Unë jam një qenie njerëzore. Ti po qëndron pranë makinës sime, në plazh! E kupton çfarë po them?
-kishte thënë ai me zë të lartë gjatë asaj përballjeje.
