Modelja e njohur Kendall Jenner duket se ka nisur një kapitull të ri në jetën e saj sentimentale, pasi sipas mediave ndërkombëtare është në një lidhje me aktorin Jacob Elordi.
Burime për Page Six bëjnë me dije se romanca mes tyre ka rreth dy muaj që ka nisur dhe nuk është diçka spontane. Sipas tyre, dyshja njiheshin prej kohësh në rrethet sociale të Los Angeles, përpara se marrëdhënia të merrte një drejtim më intim.
Zërat për lidhjen u forcuan edhe më shumë pas paraqitjes së tyre në Coachella 2026, ku u panë shumë të afërt. Dëshmitarë okularë kanë folur për një “kimi të fortë” mes tyre, duke shtuar dyshimet për një romancë të konsoliduar.
Në këtë histori, një rol të rëndësishëm duket se ka luajtur edhe Kylie Jenner, e cila sipas raportimeve ka ndihmuar në afrimin e tyre, duke qenë se e njihte më herët aktorin dhe e konsideronte të përshtatshëm për motrën e saj.
Takimet e përbashkëta dhe rrethi i njëjtë shoqëror në Los Angeles duket se kanë krijuar kushtet ideale që Kendall Jenner dhe Jacob Elordi të afrohen gjithnjë e më shumë, duke kthyer një njohje të vjetër në një romancë të re që po tërheq vëmendjen e mediave rozë në mbarë botën.
