Kylie Jenner ka realizuar një nga fotosesionet më provokuese të karrierës së saj për numrin pranveror të Vanity Fair. Ylli 28-vjeçar pozon topless në disa nga fotografitë, ndërsa në kopertinë shfaqet duke pirë një cigare nën sloganin provokues “Kylie on top”.
Në disa nga imazhet e tjera, ajo pozon e zhveshur duke mbajtur vetëm një mantel dhe taka, në një set fotografik bardhë e zi që ka tërhequr menjëherë vëmendjen e publikut dhe mediave.
Në intervistën që shoqëron fotosesionin, sipërmarrësja dhe nëna e dy fëmijëve foli edhe për jetën e saj personale dhe planet për të ardhmen. Kylie Jenner pranoi se dëshiron të bëhet sërish nënë.
Ajo është tashmë nënë e dy fëmijëve, Stormi dhe Aire, nga lidhja e saj me reperin Travis Scott.
Ndërkohë, aktualisht është në një marrëdhënie me aktorin hollivudian Timothée Chalamet.
Vitet e fundit të të 20-ave dua t’i përqendroj te vetja, bizneset e mia, puna, udhëtimet me fëmijët dhe të shijoj kohën me ta. Por po, dua edhe më shumë fëmijë
-u shpreh ajo.
Në intervistë, Kylie foli edhe për marrëdhënien e saj me aktorin e njohur, duke e përshkruar si një lidhje të bukur dhe argëtuese.
Ajo kujtoi edhe momentin kur Timothée Chalamet e përmendi publikisht gjatë fjalimit të tij në Critics Choice Awards në janar, ku ai i dedikoi disa fjalë dashurie.
E pyetur nëse ishte e këndshme të dëgjonte një deklaratë të tillë nga skena, Jenner u përgjigj duke buzëqeshur dhe paksa e turpëruar:
Sigurisht
Gjatë intervistës, edhe motra e saj Kendall Jenner foli për mënyrën se si Kylie është rritur dhe ka ndryshuar para syve të publikut, që nga koha kur u bë e famshme në reality show-n Keeping Up with the Kardashians.
Sipas saj, motra e vogël ka treguar një pjekuri të madhe vitet e fundit, sidomos pasi u bë nënë në një moshë të re.
Ndërkohë, nëna e tyre Kris Jenner theksoi se Kylie ka një sens të veçantë kreativiteti dhe vizioni, duke shtuar se shpesh edhe pjesëtarët e tjerë të familjes i drejtohen asaj për ide dhe këshilla.
