Kim Kardashian ka ndarë me ndjekësit disa fotografi mahnitëse nga festa tropikale e 30-vjetorit të motrës së saj, Kendall Jenner, e cila u mbajt në një destinacion luksoz privat.
Në postimin e saj në Instagram, 45-vjeçarja i dedikoi motrës një urim të ndjerë, duke i dëshiruar dashuri dhe gëzim në këtë dekadë të re të jetës.
Të dua pafund, motra ime. Le të jetë kjo një dekadë e mbushur me dashuri, dritë dhe kujtime të bukura
-shkroi Kim.
Në fotot e publikuara, Kendall u shfaq me një veshje sensuale, një bluzë të shkurtër që mbulonte gjoksin dhe një fund të gjatë me motive në ngjyra kafe e të zeza. Ndërsa Kim zgjodhi një fustan kafe me supe të zbuluara dhe detaje që theksonin linjat e saj, shkruan “Daily Mail”.
Festa, që duket se u organizua në të njëjtin ishull privat ku Kim festoi 40-vjetorin e saj, mblodhi të gjithë familjen Kardashian-Jenner.
Kylie kishte zgjedhur një fustan të zi klasik me dekolte të thellë, Khloe një fustan rozë të zbehtë pa mëngë, ndërsa nëna e tyre, Kris Jenner, mahniti me një fustan transparent bezhë me detaje të zeza.
E vetmja që mungoi fizikisht në festë ishte Kourtney Kardashian, e cila e uroi Kendall-in përmes rrjeteve sociale.
Kim ndau edhe momente plot humor nga festa, përfshirë një foto ku shfaqej duke mbajtur në gojë disa mini-shishe tekile nga marka e motrës së saj, 818 Tequila.
Postimi i saj erdhi në të njëjtën ditë kur Kim debutoi në serinë e re ligjore të Ryan Murphy për Hulu, “All’s Fair”, duke e bërë ditën edhe më të veçantë për yllin e “The Kardashians”.
