Bota e mundjes është në zi. Ish-ylli i WWE, Robert Horne, i njohur nga fansat si Sir Mo, ka ndërruar jetë në moshën 58-vjeçare pas një beteje të gjatë me një infeksion të rëndë në gjak dhe pneumoni.
Lajmi u konfirmua nga miqtë dhe kolegët e tij përmes rrjeteve sociale, ndërsa bashkëshortja e tij, Denise, qëndroi pranë tij gjatë tetë javëve të fundit në kujdes intensiv.
Sir Mo ishte një figurë e dashur për fansat e mundjes në vitet ‘90, duke u bërë i njohur si pjesë e tag-team-it “Men on a Mission”, përkrah partnerit të tij Mable, i cili më vonë u bë i famshëm si Viscera.
Dyshja arriti të fitonte një kampionat tag team në WWE, titulli i vetëm që Horne do të mbante gjatë karrierës së tij profesionale.
Mundësja Leilani Kai ishte ndër të parat që reagoi ndaj lajmit të trishtë, duke e përshkruar Horne si “një mik të vërtetë, gjithmonë me buzëqeshje dhe energji pozitive që e bënte çdo turne më të lehtë për të gjithë”.
Bobby ishte një njeri me zemër të madhe, i dashur për sportin, fansat dhe njerëzit përreth tij
-shkroi ajo në një postim prekës.
Robert “Sir Mo” Horne do të kujtohet për karizmën e tij në ring dhe për dashurinë e madhe që kishte ndaj komunitetit të mundjes, duke lënë pas një trashëgimi të paharrueshme për brezat e ardhshëm të sportit.
