Leonardo DiCaprio, ylli i njohur i Hollywood-it, ka zbuluar për herë të parë pse shpesh shihet në publik me maskë ose kapelë. Aktori 51-vjeçar, i njohur për rolet e tij në “What’s Eating Gilbert Grape” dhe “Titanic”, tha se qëndron larg vëmendjes për të mbajtur një karrierë të gjatë dhe të qëndrueshme.
Mendova, si mund të kem një karrierë të gjatë? E dua atë që bëj dhe mënyra më e mirë është të qëndroj larg syrit të publikut
-tha DiCaprio, duke shtuar se shfaqet vetëm kur ka diçka për të thënë ose për të treguar.
Ai filloi të mbante maska gjatë pandemisë COVID-19, por praktikën e ka vazhduar edhe sot, duke theksuar se kjo i lejon të ruajë privatësinë në një botë ku çdo lëvizje e yjeve monitorohet.
Edhe në evente madhore si dasma e Jeff Bezos në Venecia, DiCaprio u fotografua me kapuç mbi fytyrë, duke treguar se privatësia mbetet një prioritet absolut për të.
Ekspertët dhe fansat shprehen se kjo strategji ka ndihmuar aktorin të ruajë jo vetëm karrierën e gjatë, por edhe jetën personale të qetë, larg paparacëve dhe vëmendjes mediatike.
