Në seancën e fundit gjyqësore kundër Diddy-t, janë bërë publike disa mesazhe eksplicite dhe intime midis tij dhe ish-partneres së tij, Cassie Ventura.
Avokatët mbrojtës të reperit kanë lexuar para jurisë një sërë bisedash nga marrëdhënia e tyre, duke tentuar të tregojnë se aktet e përfshira në marrëdhënien e tyre ishin konsensuale.
Një nga mesazhet e lexuara i përket datës 5 gusht 2009, ku Cassie i shkruante Diddy-t në BlackBerry:
Jam gjithmonë gati për freak-off, mund të ndodhë kurdo.
Mbrojtja e Diddy-t është përqendruar në idenë se Cassie dhe akuzueset e tjera ishin pjesëmarrëse vullnetare në këto akte të ashtuquajtura “freak-offs” dhe se gjithçka ndodhte me pëlqimin e tyre. Ky mesazh i paraqitur synon të mbështesë këtë pretendim.
Megjithatë, Cassie ka dëshmuar më parë se eksperienca e saj e parë e tillë ndodhi brenda vitit të parë të marrëdhënies, kur ishte 22 vjeç, dhe se ajo u ndje “e ndyrë dhe e hutuar” pas saj – në kontrast me tonin e mesazheve të paraqitura.
Në një tjetër bisedë të lexuar në gjykatë, Cassie i shkruan Diddy-t:
Dua të bëj seks
Dhe ai përgjigjet:
Jam aq shumë i eksituar sa nuk mund të përqendrohem.
Më pas, Cassie i shkruan:
Do shkoj te Duane Reade për qirinj dhe do përgatis dhomën.
Një tjetër mesazh nga Cassie drejtuar Diddy-t ishte gjithashtu i drejtpërdrejtë:
Mezi pres që të më ngacmosh me *** derisa të më bëhet lëkura e **** e ndjeshme.
Gjatë dëshmisë, avokatja mbrojtëse Anna Estevao i drejtoi Cassie-s pyetjen nëse Diddy i kishte mësuar si të kryente seks oral, dhe ajo u përgjigj:
Po, ai më mësoi.
Më pas, kur iu kërkua të lexonte një tjetër mesazh nga viti 2007, ajo kërkoi që të lexohej nga vetë avokatja sepse e bënte të qeshte. Mesazhi lexonte:
Më bën të ndihem e mbrojtur, je shumë i ëmbël.
Cassie u pyet gjithashtu për festën e saj të 21-vjetorit në Las Vegas, për të cilën më parë kishte dëshmuar se ishte momenti i parë kur Diddy e kishte puthur.
Ajo shtoi se në festë ishin të pranishëm edhe figura të njohura si Britney Spears dhe producenti Dallas Austin.
Ky zhvillim i fundit në sallën e gjyqit ka nxitur reagime të forta publike, ndërsa procesi kundër Diddy-t vazhdon të zbulojë më shumë detaje nga marrëdhënia e tij e diskutueshme me këngëtaren Cassie.
