Aknet shpesh prish harmoninë e lëkurës tonë. Ndonjëherë përdorim produkte të gabuara që bien në kundërshtim me lëkurën tonë dhe produktet të cilat funksionojnë për të tjerët nuk reagojnë njësoj tek ne. Në anën tjetër, arsyeja se pse produktet e kujdesit të lëkurës mund të mos funksionojnë është për shkakun se ato mund të jenë akne hormonale. Por si të dimë dallimin mes akneve bakteriale dhe atyre hormonale? Dallimi i puçrrave bakteriale dhe hormonale mund të jetë i paqartë, duke pasur parasysh paraqitjet e ngjashme. Megjithatë, disa shenja mund të udhëzojnë identifikimin e saktë. Aknet bakteriale zakonisht pushtojnë ballin, hundën dhe faqet, ndërsa aknet hormonale dalin tek mjekra, nofulla dhe pjesa e poshtme e fytyrës.
Aknet hormonale shpesh i përmbahen një modeli ciklik, duke u intensifikuar para menstruacioneve dhe duke u qetësuar më pas. Aknet bakteriale priren të jenë më të qëndrueshme. Aknet bakteriale zakonisht shqetësojnë adoleshentët, ndërsa aknet hormonale mund të vazhdojnë deri në moshën madhore, veçanërisht tek gratë. Produktet pa recetë që përmbajnë përbërës si peroksid benzoil dhe acid salicilik i përshtaten akneve bakteriale, ndërsa aknet hormonale mund të kërkojnë ndërhyrje të specializuara si kontraceptivë oralë (për gratë) ose medikamente që synojnë hormonet.
Çdo ditë, shumë prej nesh konsumojnë ushqime që mund të kenë një ndikim negativ në lëkurë, duke kontribuar në probleme si aknet, plakjen e parakohshme dhe përkeqësimin e shëndetit të lëkurës. Disa prej këtyre ushqimeve mund të jenë të njohura, por ndoshta nuk jeni të vetëdijshëm për ndikimin e tyre në pamjen dhe shëndetin e lëkurës. A e keni ditur që aspirina e zakonshme është preparat i shkëlqyeshëm kozmetik? Maska shëruese për fytyrë me aspirinë të tretur në ujë, me përdorim të rregullt (nëse nuk jeni alergjik ndaj saj), edhe lëkurën më problematike e bën të shëndetshme, të bukur dhe të shkëlqyeshme. Përse aspirina është aq e mirë për lëkurën?
