Aktorja e njohur Sydney Sweeney ka bërë realitet një prej ëndrrave të saj të fëmijërisë — dhe këtë herë, jo në skenën e filmit apo televizionit, por në botën e ëmbëlsirave.
Ylli 27-vjeçar i serialit “Euphoria” ka bashkëpunuar me zinxhirin e famshëm të akullores Baskin-Robbins, duke prezantuar një menu speciale me kohë të kufizuar, të titulluar “Sweet on Sydney”.
Përmes një postimi në Instagram, ku ndan momente prapa skenave, Sweeney u shpreh se akullorja ka qenë gjithmonë një “burim buzëqeshjeje” dhe ky projekt është për të “një ëndërr fëmijërie e bërë realitet”.
Menuja përfshin dy produkte ekskluzive:
-Sydney’s Signature Scoop: një yogurt/akullore me ngjyra ylberi, i shërbyer në një kon të zhytur në çokollatë, i dekoruar me spërkatje dhe arusha gome.
-Sydney’s Signature Fizz: një pije freskuese me sodë dhe sherbet, e shërbyer në një gotë që ndryshon ngjyrën.
Në fushatën promovuese, aktorja shfaqet në një lokal të vërtetë të Baskin-Robbins, e veshur me një bluzë rozë të zbehtë dhe xhinse me efekt acid, ndërsa pozon me entuziazëm me akullore në dorë.
Spoti televiziv i fushatës e tregon në një version humoristik, duke vizituar dyqanin çdo ditë — madje edhe pas orarit — nga obsesioni për shijen e saj të preferuar.
Ky bashkëpunim vjen menjëherë pasi Sweeney zbuloi një transformim të madh pamjeje në trejlerin e filmit të saj të ardhshëm “Eden”, me regji nga Ron Howard, ku ajo shfaqet me flokë të errët dhe stil të thjeshtë – një kontrast i plotë me imazhin e saj të zakonshëm si bionde glamuroze.
Nga serialet dramatike, tek projektet komike dhe bashkëpunimet kreative me marka të njohura, Sydney Sweeney vazhdon të mahnisë publikun dhe të provojë se nuk ka kufij për talentin e saj.
