Taylor Swift është përfshirë në mënyrë të papritur në betejën ligjore mes Blake Lively dhe Justin Baldoni, pasi avokati i Baldonit, Bryan Freedman, i ka dërguar asaj një thirrje zyrtare për të dëshmuar në këtë çështje.
Burime për TMZ bëjnë me dije se kampi i Taylor është i irrituar nga kjo lëvizje, duke theksuar se përfshirja e saj në projektin “It Ends With Us” ishte minimale.
Sipas një zëdhënësi të saj:
Taylor Swift nuk ka qenë kurrë në xhirime, nuk ka marrë pjesë në kastin apo vendimet kreative, nuk ka dhënë nota për filmin, dhe as nuk e ka parë filmin deri disa javë pas publikimit.
Përfaqësuesit e Swift shtojnë se ajo thjesht dha lejen për përdorimin e këngës së saj “My Tears Ricochet” në film, ashtu si edhe 19 artistë të tjerë, dhe se përfshirja e saj në këtë rast është vetëm për të tërhequr vëmendje mediatike.
Nga ana tjetër, Baldoni pretendon se Taylor miratoi personalisht zgjedhjen e Isabela Ferrer për rolin e Lily Bloom, dhe se ajo ishte e pranishme në një takim të tensionuar në penthausin e Blake në Nju Jork, ku ndodheshin edhe Ryan Reynolds dhe vetë Taylor.
Pas atij takimi, Blake i dërgoi Justin-it një mesazh ku e quante veten “Khaleesi” dhe Taylor me Ryan si “dragoi” të saj mbrojtës.
Ende nuk ka një përgjigje zyrtare nga avokati Freedman në lidhje me këtë zhvillim.
