Taylor Swift duket se po planifikon një festë beqarie që do të bëjë bujë, pak muaj para martesës së saj me Travis Kelce.
Sipas burimeve për Daily Mail, këngëtarja ka vendosur të organizojë disa evente ekskluzive me rrethin e saj më të ngushtë, duke përfshirë emra të mëdhenj si Selena Gomez, Gigi Hadid, Zoë Kravitz, Brittany Mahomes, motrat Haim dhe shoqen e saj të fëmijërisë Abigail Anderson.
Për të përfshirë të gjithë, Swift po mendon të organizojë disa festa në qytete të ndryshme si New York, Nashville dhe madje edhe në Bahamas, duke krijuar një seri eventesh private dhe shumë ekskluzive.
Ndërkohë, dasma e saj me Travis Kelce është planifikuar për më 13 qershor në rezidencën e saj në Rhode Island, ku pritet të marrin pjesë rreth 150 të ftuar.
Lista e të ftuarve përfshin gjithashtu figura të njohura si Emma Stone, Patrick Mahomes dhe Miles Teller.
Pavarësisht luksit dhe emrave të mëdhenj, çifti duket i vendosur të ruajë një atmosferë intime, duke organizuar evente të vogla dhe të shpërndara për të shmangur vëmendjen e tepërt.
Nga festat sekrete në disa kontinente, deri te një ceremoni tradicionale me vallëzim baba-bijë, gjithçka tregon se kjo dasmë do të jetë një nga më të komentuarat e vitit.
