Në kërkim të kuptimit
Viktor E. Frankl

Libri “Në kërkim të kuptimit në jetë”, shkruar nga Viktor E. Frankl, është një nga veprat më madhështore të epokës sonë. Në përgjithësi, nëse një libër ka një fragment, një ide që mbart fuqinë për të transformuar jetën e njeriut, kjo është një arsye e mirë për ta lexuar, për ta rilexuar dhe për ta vënë në rreshtin e parë të raftit. Ky libër ka shumë fragmente të tilla. Para së gjithash, ky është një libër për mbijetesën.

Publikuar: 2020
174 faqe
Përmbledhje

Si shumë hebrenj nga Gjermania dhe Evropa Lindore, të cilët mendonin se ishin të parrezikuar në vitet 1930, Frankl përfundoi në rrjetin nazist të kampeve të përgendrimit dhe shfarosjes. Ai shpëtoi për mrekulli. Mbijetoi ashtu siç thuhet në Bibël: "një urë zjarri e shkëputur nga zjarri".

Por rrëfimi i tij në këtë libër ka të bëjë më shumë me burimet e forcës për të mbijetuar sesa me mundimet, vuajtjet dhe humbjet që përjetoi. Disa herë në këtë libër, Frankl konfirmon shpesh thënien e Niçes:

Ai që ka një Arsye për të jetuar, mund të përballojë çdo mënyrë jetese.

Ai përshkruan me tone prekëse ata të burgosur që hoqën dorë nga jeta, që kishin humbur gjithë shpresën për të ardhmen dhe vdiqën pashmangshmërisht të parët. Ata vdiqën më shumë për shkak të mungesës së shpresës, mungesës së një kauze për të jetuar, sesa për shkak të mungesës së ushqimit apo ilaçeve.

Në nekrologjinë për Dr. Frankl në gazetën “New York Times” citohet se ky libër është “vepër monumentale për mbijetesën”. “Në kërkim të kuptimit” nuk përfaqëson vetëm historinë e triumfit të këtij njeriu të madh, ky punim është një gërshetim mes shkencës dhe humanizmit.

Vlerësime

Shpeshherë njerëzit priren të mendojnë se libra të tillë mund t’u ofrojnë sekretin e jetës së tyre apo qëllimet në jetë.Fatkeqësisht nuk ekziston asnjë libër i tillë e, në këto rrethana të ndryshme për të gjithë, vetëm ju mund të zbuloni qëllimin dhe sekretin tuaj vetjak e unik. "Në kërkim të kuptimit” është vetëm një thirrje e fortë kundrejt njerëzve për të gjetur qëllimet e tyre në jetë, qëllime, të cilat do të kenë fuqinë t’ju shpëtojnë heroikisht dhe në rrethanat më të pashpresa.

Porosit Online