Pse biem në dashuri me një person të caktuar vallë? Duket se tashmë ekpertët janë të gatshëm për t’i dhënë përgjigje pyetjeve që shumë prej nesh kemi patur prej kohësh. Sipas disa studimeve të fundit, njerëzit që jetojnë afër njëri-tjetrit kanë më shumë gjasa të bien në dashuri. Kështu, ata kanë mundësinë të takojnë dikë në situata të përditshme, si dhe të shihen shpesh.
Shumë njerëz priren të bien në dashuri me njerëz që janë të ngjashëm me ta, që kanë të njëjtat vlera, të njëjtat përvoja jetësore, nivel atraktiviteti të pranueshëm shoqëror të ngjashëm me ta dhe të ngjashëm në moshë. Njerëzit dinë të dashurohen me një partner që i ngjan njërit prej prindërve të tyre, të gjinisë së kundërt.
Për shembull, një grua mund të tërhiqet nga një burrë që i kujton të atin. Kjo mund të jetë për karakteristikat fizike, si ngjyra e syve apo e flokëve, por edhe për tiparet e karakterit. Fëmijët e prindërve të rinj kanë më shumë gjasa të kërkojnë partnerë më të rinj.
Gjithashtu dhe aroma luan një rol shumë të madh në joshje. Për shembull, gjatë ovulacionit, gratë preferojnë burra që kanë më shumë testosterone. Ose, burrat mund të joshen në mënyrë të pavetëdijshme nga aroma që lëshon një grua gjatë ditëve të saj pjellore.
Një qëndrim i hapur ndaj njerëzve të tjerë është gjithashtu një nga arsyet për të rënë në dashuri. Duket tërheqëse dhe joshëse. Ndarja e përvojave emocionuese dhe paksa të frikshme mund të jetë gjithashtu shumë tërheqëse. Me fjalë të tjera, në vend që të shkoni për të pirë një kafe, shkoni të hidheni me parashutë. Këtë nuk e themi ne, jua këshillojnë ekspertët…
