Dua Lipa dukej fiks si një princeshë teksa mbërriti në Met Gala me një fustan të markës Chanel të shoqëruar me një gjerdan diamanti 100 karatësh. Këngëtarja e hitit “New Rules”, ishte mahnitëse në Chanel FW92 Couture, të ridizajnuar nga stilisti Lorenzo Posocco.
Met Gala 2023 u organizua si çdo vit në Muzeun Metropolitan të Artit në New York City të hënën në mbrëmje, me shumë të ftuar të famshëm nga bota e Hollywood-it. Fustani mahnitës i Dua-s i stiluar nga vetë Karl Lagerfeld – ishte zbukuruar me detaje bardh e zi dhe i kompletuar me xhufka në fund.
![](https://www.topalbaniaradio.com/v7/wp-content/uploads/2023/05/dua2.jpg)
Teksa pjesa e sipërme me prerje të ulët theksonte dekoltenë e saj, ajo shtoi një gjerdan diamanti 100 karatësh të markës Tiffany & Co për një pamje tepër luksoze dhe plot klas. Ndërsa qëndronte në shkallët ikonike, fustani, i veshur fillimisht nga Claudia Schiffer për koleksionin e vitit 1992, e bënte Dua-n tejet të veçantë. Detaji më praktik në fakt, ishin xhepat tek fustani.
![](https://www.topalbaniaradio.com/v7/wp-content/uploads/2023/05/dua7.jpg)
Që nga viti 1948, yjet janë ngjitur në shkallët madhështore të Muzeut Metropolitan të Artit në New York në ngjarjen vjetore të Met Gala. Këtë vit, tema e Met Gala ishte “Karl Lagerfeld: A Line of Beauty”. Stilisti i ndjerë gjerman ishte drejtori kreativ për një kohë të gjatë i markës Chanel. Ai u nda nga jeta në moshën 85-vjeçare në vitin 2019. Madje në këtë festë ka qenë e ftuar edhe macja e tij e dashur, Choupette.
![](https://www.topalbaniaradio.com/v7/wp-content/uploads/2023/05/duamain-3ea54476840d497a8ee40924f30378f8.jpg)