Edicioni i 80-të i ceremonisë së ndarjes së çmimeve “Golden Globes 2023” u transmetua të martën në NBC. Jerrod Carmichael ka qenë moderatori i mbrëmjes, ndërsa eventi është mbajtur në ‘The Beverly Hilton’ në Beverly Hills, Kaliforni. Ishte një rikthim në rëndësi për eventin e madh të “Golden Globes”, duke mbajtur ceremoninë e tyre të parë të ndarjes së çmimeve që nga anulimi i edicionit të vitit 2022, edhe pse pati një numër mungesash të yjeve kryesorë.
Zendaya dhe Taylor Swift nuk morën pjesë në ceremoni ndërsa Rihanna mungoi në parakalimin në tapetin e kuq, dhe si tre nga artistet e profilit më të lartë përreth, kishte shumë pyetje se pse ato nuk ishin të pranishme.
Zendaya fitoi Golden Globe për aktoren më të mirë në një serial televiziv për ‘Euphoria’, por u tha se ajo nuk mori pjesë për shkak të angazhimeve në punë. Megjithatë, më vonë u zbulua se ajo ishte në Los Angeles, në vendin ku u mbajt ceremonia.
Swift, e cila ka shijuar një rikthim të jashtëzakonshëm në 2022, u nominua në kategorinë e këngës më të mirë origjinale për kryeveprën e saj të quajtur ‘Carolina’, por ajo konfirmoi se mungesa e saj ishte për shkak të një prove për turneun e saj të ardhshëm.
Rihanna nuk ishte në ceremoninë e tapetit të kuq, megjithëse u shfaq në gala me ASAP Rocky. Fillimisht u tha se këngëtarja nga Barbadosi nuk do të ishte e pranishme pasi po përgatitej për paraqitjen e saj të pjesës së parë në Super Bowl në shkurt. Për vitin 2023 ishte nominimi i saj i parë për Golden Globe, me këngën e saj ‘Lift Me Up’ duke u konsideruar si një fituese e mundshme e çmimit.
