“Cobra Kai”, një nga serialet më të pëlqyera, ka bërë me dije se do të vijë së shpejti me sezonin e tij të pestë. Ky lajm është bërë i ditur për të gjithë fansat nëpërmjet një postimi në rrjetin social Instagram, nga po vetë faqja zyrtare e serialit. “Cobra Kai” një serial me në qendër artet marciale është shumë i pëlqyer nga publiku. Sezoni i tij i katërt mjaft i suksesshëm pritet që të publikohet në muajin dhjetor në “Netflix”.
Seriali hit i “Netflix” i cili është i nominuar për “Emmy Awards” është rinovuar edhe për një sezon të pestë. Postimi në rrjetin social Instagram ishte një foto me një numër romak ‘5’ që nënkupton detyrimisht edhe zyrtarizimin e sezonit të pestë.
Në korrik seriali i famshëm mori nominimet për çmimet në “Emmy Awards” në kategoritë e ‘Outstanding Comedy Series’, ‘Outstanding Sound Editing for a Comedy’, ‘Outstanding Stunt Performance’, dhe ‘Outstanding Sound Mixing for a Comedy’. Shfaqja kohët e fundit u bë edhe çështje kryesore pas shitjes prej 2.4 milion dollarëshe të rezidencës.
Në serialin e Netflix, Karate Kid Daniel, një rol i luajtur nga aktori i famshëm Ralph Macchio, u zhvendos dhe u përmirësua nga kompleksi i zymtë i apartamenteve, i shfaqur në filmat e mëparshëm, në një rezidencë luksoze pasi ai u bë një pronar i pasur. Vila e stilit toskan u regjistrua fillimisht për 2.65 milion dollarë pranverën e kaluar, kjo rezidencë ishte gjithashtu shtëpia e dy presidentëve amerikanë dhe legjendës së golfit Arnold Palmer.
Disa nga yjet postuan nëpër rrjetet e tyre sociale në lidhje me lajmet për sezonin e pestë që do të vijë. Ralph Macchio e mbishkroi postimin e tij:
Faleminderit, fansa! Më shumë histori do të vijnë për ju! Cobra Kai Series S5 do të fillojë xhirimet së shpejti!
Thank you, fans!!
More story coming to you!@CobraKaiSeries S5 starts filming soon! @netflix @SPTV 🥋👊#bestaround pic.twitter.com/t1232TZKjR— Ralph Macchio (@ralphmacchio) August 27, 2021
Martin Kove ndau gjithashtu nëpërmjet një postimi në Twitter një video ku lajmëroi për sezonin e pestë të serialit ku edhe shkroi se mëshira është për të dobëtit:
The Valley is mine. It always was, and always will be. MERCY is for the weak. #Cobrakai season V 🐍🔥 pic.twitter.com/UzE1ydgVjZ
— Martin Kove (@MartinKove) August 27, 2021
