Pavarësisht se artistja e njohur Taylor Swift nuk mundi që të ishte e pranishme në ‘American Music Awards 2021’, ajo megjithatë nuk e vuri në dukje mungesën sepse arriti që të ishte në qendër të vëmendjes. Këngëtarja e hitit të njohur “Willow” e pranoi nga distanca fitoren e albumit të saj ‘evermore’.
Congratulations to @taylorswift13 because "evermore" is the winner or Favorite Pop Album at the #AMAs! pic.twitter.com/uTxsJFJD7d
— American Music Awards (@AMAs) November 22, 2021
Ajo kishte regjistruar një video paraprakisht ku kishte falenderuar të gjithë fansat e saj.
Një falenderim shumë i madh për fansat, ky është një nder i jashtëzakonshëm. Fakti që ju do ta bënit këtë përgjithmonë, unë kam qenë gjithmonë shumë krenare për këtë album. Gjithmonë e kam parë gjithmonë si motrën më të vogël aventureske dhe argëtuese të ‘Folklore’. Prandaj, faleminderit shumë që e bëtë këtë.
Swift, e cila gjithashtu fitoi edhe për kategorinë e artistes së preferuar të muzikës pop, vazhdoi të falënderojë fansat për mbështetjen e tyre edhe pas publikimit të albumit ‘Red’ (Taylor’s Version), i cili doli më 12 nëntor, nëntë vjet pasi ajo fillimisht publikoi ‘Red’.
Gjithashtu, doja vetëm t’u them fansave, faleminderit për gjithë mbështetjen e mahnitshme që më keni dhënë për albumin ‘Red (Taylor’s Version). Ka qenë shumë argëtuese. Jam shumë me fat që jam në jetën tuaj dhe që ju kam në jetën time. Kalofshi një natë të mrekullueshme. Ju dua.
Me dy fitoret e saj të dielën mbrëma, Swift rriti rekordin e saj si artistja më e vlerësuar e ‘AMA’-s ndonjëherë, me 34 fitore gjatë viteve.
Rikujtojmë se, Taylor ka publikuar së fundmi një version të ri-regjistruar të albumit të saj hit të vitit 2012, si pjesë e përpjekjeve të vazhdueshme për të rimarrë kontrollin mbi materialin e saj, pasi të drejtat u fituan në mënyrë të diskutueshme dhe më vonë u shitën nga Skuter Braun pa pëlqimin e saj. Brenda pak orëve nga publikimi, “Red” (Versioni Taylor) u ngjit në krye të kualifikimit të albumeve të iTunes në SHBA dhe videot individuale të teksteve për disa nga këngët, duke përfshirë një version 10 minuta të “All Too Well”, kishin arritur qindra mijëra shikime në YouTube.
