Victoria Beckham duket se ka vendosur të mbyllë një kapitull të vështirë në marrëdhënien me djalin e saj Brooklyn, pas muajsh tensionesh që kanë ndarë familjen.
Burime për “The Mirror” thonë se projektet e saj të reja për Netflix i kanë shërbyer si një pikë reflektimi, duke e bërë atë të vendosë “vijën” dhe të mos vazhdojë më betejën e njëjtë emocionale.
Mosmarrëveshjet në familjen Beckham nisën pas largimit të Brooklyn dhe raportimeve se ai po distancohej gjithnjë e më shumë, veçanërisht pasi mungoi në festën e 50-vjetorit të babait të tij, David, në muajin maj.
Situata është ndërlikuar edhe më shumë nga marrëdhënia e tij me bashkëshorten, Nicola Peltz, e cila shpesh është parë si pikë tensioni mes tyre.
Ishte një rrëmujë e vërtetë emocionale për të, marrëdhënia e prishur me Brooklyn e lëndoi thellë. Por në fund kuptoi se nuk mund të vazhdonte të mendonte për këtë dhimbje pa fund. Mjaft ishte mjaft
– u shpreh një burim pranë stilistes.
Megjithatë, Victoria mbetet shpresëplotë se marrëdhënia me djalin e saj do të përmirësohet në të ardhmen.
Ajo e di që ai do të kthehet një ditë, por thjesht nuk është koha e duhur. Ky projekt e ka ndihmuar ta kuptojë sa me fat është për familjen që ka pranë
– shtoi burimi.
Nga ana tjetër, Brooklyn Beckham ka treguar publikisht mbështetje të fortë për bashkëshorten e tij. Duke folur për “Daily Mail”, ai tha:
Unë kam një grua shumë mbështetëse. Ne thjesht bëjmë gjënë tonë, mbajmë kokën ulur dhe punojmë. Dhe jemi të lumtur
