Aksion blic është zhvilluar sot në IEVP Fier, Vlorë dhe Peqin.
Në vijim të masave për forcimin e sigurisë dhe disiplinës në institucionet penitenciare, Drejtori i Përgjithshëm i Burgjeve, Adriatik Kupi, së bashku me Drejtorin e Policisë së Burgjeve, Drejtues i Lartë Paulin Rajta, drejtuan sot, kontrolle të befasishme në IEVP Fier, Vlorë dhe Peqin.
Kontrollet u ushtruan nga forcat operacionale të Drejtorisë së Policisë së Burgjeve, me fokus evidentimin dhe goditjen e sendeve të ndaluara brenda institucioneve.
LEXO EDHE: Ndryshime në zinxhirin komandues në burgje, emërohen drejtorët dhe shefat e rinj!
Gjatë kontrolleve u konstatuan dhe u sekuestruan aksesorë mjetesh komunikimi që përbëjnë vepër penale, mjete prerëse të improvizuara, si dhe sende të tjera të palejuara dhe të tepërta.
LEXO EDHE: Kontroll në burgun e Durrësit, gjenden 3 celularë/Një në pronësi të një të dënuari!
Për rastet e konstatuara u njoftua Shërbimi i Kontrollit të Brendshëm të Sistemit të Burgjeve për veprime të mëtejshme proceduriale.
Kontrollet do të vijojnë me intensitet të lartë në të gjitha IEVP-të.
