Këngëtarja shqiptaro-amerikane Bebe Rexha ka tërhequr vëmendjen e ndjekësve me fotografitë e saj të fundit në Instagram, ku shfaqet me një paraqitje të guximshme dhe plot stil.
Në mbishkrimin e postimeve ajo shkruan:
Jam në lëvizje, jam në humor
-duke transmetuar energjinë dhe vetëbesimin që reflektojnë imazhet.
Në fotografi, Rexha shfaqet me një korse me motive leopardi të kombinuar me pantallona të zeza elegante dhe taka me të njëjtin motiv, ndërsa pamjen e kompleton me aksesorë të artë dhe një pallto të gjatë me gëzof.
Disa imazhe janë realizuar në një ambient luksoz me pamje nga rrokaqiejt e qytetit, ndërsa të tjera e tregojnë këngëtaren duke lëvizur në korridore hoteli, duke reflektuar një stil glam dhe urban.
Postimet vijnë ndërsa Bebe Rexha është aktive me intervista dhe paraqitje televizive ndërkombëtare për të promovuar albumin e saj të ri, “Dirty Blonde”.
Ky projekt vizual përmban 13 këngë, secila me klip të veçantë, dhe pritet të publikohet më 12 qershor. Deri tani është lansuar kënga e parë “I Like You Better Than Me” dhe një trailer që prezanton atmosferën dhe tematikat e albumit.
Me “Dirty Blonde”, Bebe Rexha duket se po hyn në një fazë të re artistike, duke kombinuar estetikën vizuale me një identitet më të fortë dhe më personal në muzikën e saj.
