Armando Broja pritet të kalojë një verë të nxehtë sa i takon të ardhmes, pasi sulmuesi i Kombëtares kërkon shkëputjen përfundimtare nga Chelsea. 23-vjeçari e ka parë veten në huazime dhe i kushtëzuar nga dëmtimet nuk ka treguar asgjë nga potenciali i tij në aventurat disa mujore me Fulham dhe Everton.
Gazetari i Sky DE në Gjermani, Florian Plettenberg bën me dije se për sulmuesin e Kombëtares ka interes të shtuar nga RB Leipzig dhe Wolfsburg. Të dyja klubet e duan sulmuesin paçka se për të ka interes edhe nga Premier League apo edhe nga Serie A.
LEXO EDHE: Sonte Letoni-Shqipëri ekskluzivisht në Digitalb, kuqezinjtë pa mbrojtjen zyrtare!
Broja, kontrata e të cilit skadon në verën e 2028 i ka kërkuar Chelsea që të pranojë ofertën më të mirë për ta lënë të lirë të largohet përfundimisht.
Armando #Broja – one to watch for the summer transfer window!
He has received several enquiries from the Bundesliga. Many clubs have shown interest, and a move is planned.
RB Leipzig and VfL Wolfsburg are closely monitoring the 23 y/o striker. He is under contract with… pic.twitter.com/iFnoULb7xc
— Florian Plettenberg (@Plettigoal) June 10, 2025
Më herët, britanikja “The Sun” ka bërë të ditur se Broja është në radarët e klubeve shumë të njohur, me katër skuadra europiane të cilat kanë nisur bisedimet me sulmuesin e Kombëtares shqiptare për të siguruar transferimin e tij në verë.
LEXO EDHE: Kombëtarja kuqezi tronditet në prag të ndeshjes me Letoninë, Silvinjo humb një nga liderët!
“Burime i kanë treguar “SunSport” se Milani dhe Ajaksi kanë qenë të dyja në kontakt para asaj që do të jetë një verë shumë e zënë me punë te Çelsi. Bisedime me holandezët e PSV dhe gjermanët e Lajpcig janë zhvilluar që më parë”, shkruhet në portalin e tabloidit të njohur britanik.
