Kim Kardashian ishte një nga yjet që spikati më shumë në ceremoninë ekstravagante të dasmës së Jeff Bezos dhe Lauren Sánchez në Venecia. Themeluesja e Skims, 44 vjeç, tërhoqi vëmendjen me një fustan ‘vintage’ ngjyrë çokollatë nga Versace, i punuar me dantellë me motive lulesh, rruaza të imëta dhe gurë vezullues që përqafonin linjat e saj trupore.
E njohur për stilin e saj të guximshëm, Kim e kompletoi pamjen me bizhuteri të shndritshme nga Moussaieff, përfshirë dy varëse të mëdha, vathë të gjatë me diamant në formë dardhe dhe dy unaza masive. Flokët i kishte të lëshuar natyrshëm, ndërsa grimi i saj ishte i thjeshtë dhe elegant, duke theksuar sharmin e saj.
Pamja e saj glamuroze ishte një nga më të komentuara të mbrëmjes, ndërsa prania e saj në dasmë nuk ishte surprizë, duke marrë parasysh lidhjen e afërt që familja Kardashian-Jenner ka me nusen Lauren Sánchez.
