Kim dhe Khloe Kardashian janë pranë motrës së tyre Kylie Jenner gjatë një periudhe të vështirë, duke ndarë homazhe për stilistin e saj të dashur të flokëve, Jesus Guerrero, i cili tragjikisht humbi jetën gjatë fundjavës.
Ndërkohë që Kylie ende nuk ka folur publikisht për vdekjen e tij, Kim shpërndau në Instagram Story-n e saj se zemra e saj po thyhej për motrën e saj që po kalonte një dhimbje të madhe, duke theksuar se në botën e tyre, “glam squad”-i bëhet familje, prandaj humbja e Jesus-it ishte aq e dhimbshme.
Kim gjithashtu shtoi se po lutej për familjen e Jesus-it dhe për të gjithë industrinë e bukurisë, duke e cilësuar atë si një nga talentet më të mëdha dhe më të mirët në këtë fushë.
Khloe e përsëriti mesazhin e Kim në Instagram Story-n e saj, duke shprehur se ata ndajnë shumë me ekipet e tyre të bukurisë dhe duke e quajtur vdekjen e Jesus-it një humbje tepër të thellë.
Jesus filloi të punonte me Kylie në vitin 2019, dhe ata u bë shumë të afërt gjatë viteve, shpesh duke ndarë foto së bashku në rrjetet sociale. Jesus Guerrero ka punuar gjithashtu me yjet e Hollywood si Jennifer Lopez dhe Katy Perry.
Vdekja e tij në moshën 34-vjeçare u konfirmua në një postim nga motra e tij, por shkaku i vdekjes ende nuk është zbuluar.
