Liam Payne ka qenë “afër vdekjes” disa herë për shkak të përdorimit të drogës, shumë para rënies fatale nga ballkoni i një hoteli në Argjentinë, sipas një dëshmie nga mikut të tij, Roger Nores.
Në dokumentet ligjore të siguruara nga TMZ, Nores tregon për problemet e drogës të Liam, duke pohuar se ish-këngëtari i grupit One Direction ka pasur nevojë për t’u “ringjallur” dy herë brenda dy vjetëve.
Ai tregon se këngëtari ka kaluar vitin e fundit në rehabilitim, por trajtimi nuk ka pasur sukses, dhe varësia e tij është përkeqësuar, deri në përdorimin e drogëve më të forta si heroina.
Në dokumentet, Nores thotë se Liam ka qenë “afër vdekjes” në shtator 2023, për shkak të një “intoksikimi të rëndë”, që e detyroi të qëndrojë tre ditë në spital në Itali. Më pas, Liam u shtrua në spital dy herë në Londër në fund të vitit 2023, dhe në një rast u transportua me ambulance dhe mjekëve i duhej ta “ringjallnin”.
Pavarësisht këtyre incidenteve të rrezikshme, Nores thotë se varësia e Liam u përkeqësua gjatë vitit 2024.
Ai tregon se Liam shkoi në një rehabilitim në Spanjë në mars, por e la atë para se ta përfundonte dhe pastaj ra përsëri në varësi. Më pas, një situatë e frikshme, e ngjashme me atë më parë, ndodhi sërish në prill.
Roger i thotë gjykatës se nuk është përgjegjës për vdekjen e Liam, duke theksuar se ishte një mik që e donte shumë dhe e ndihmoi me të gjitha mundësitë, madje duke shpenzuar paratë e tij për ta ndihmuar, por sërish kjo nuk ishte mjaftueshëm për ta shpëtuar.
