Ngjirja e zërit është një simptomë e zakonshme, por kur zgjat më shumë se dy deri në tre javë, mund të jetë shenjë e një problemi serioz, përfshirë tumoret në laring. Mjekët paralajmërojnë që çdo ndryshim i zgjatur në zë duhet të merret seriozisht dhe të konsultohet një otorinolaringolog.
Duhanpirësit janë në rrezik të veçantë për kancer të laringut, ku ngjirja shpesh është shenja e parë paralajmëruese.
Diagnostikimi përfshin ekzaminime të fytit dhe laringut me endoskopi, ndërsa trajtimi varet nga shkaku – nga çajra dhe pushim zëri, deri te ndërhyrjet kirurgjikale në raste më të rënda.
Mjetet natyrale si çaji i sherebelës, xhenxhefili apo kamomili mund të ofrojnë lehtësim në raste të lehta, por nëse simptomat zgjasin më shumë se dy javë, kërkohet ndërhyrje mjekësore.
Kujdesi në kohë mund të shpëtojë jo vetëm zërin, por edhe jetën.
