Shërbimi Meteorologjik Ushtarak bëri të ditur se sot vendi ynë ndikohet nga kushte atmosferike relativisht të qëndrueshme.
Moti vijon me kthjellime e me alternime vranësirash mesatare e hera-herës deri të dendura, kryesisht pas orëve të mesditës.
Nga mesdita e deri pasdite, në çastin e vranësirave të dendura, në relievet e larta malore të vendit ka reshje shiu afatshkurtra, të izoluara e me intensitet të ulët.
Era fryn me drejtim veriperëndim – juglindje, me shpejtësi mesatare 7 m/s, ndërsa përgjatë vijës bregdetare e në zonat luginore, deri në 12 m/s, shoqëruar me valëzim në det të forcës 2-3 ballë.
Temperaturat variojnë 5-24 gradë Celsius.
