Selena Gomez i ka kushtuar një urim të veçantë për ditëlindje bashkëshortit të saj, producentit të muzikës Benny Blanco.
Këngëtarja dhe aktorja ndau në Instagram një video dhe disa fotografi të përbashkëta për të festuar ditëlindjen e 38-të të tij, të dielën, shkruan Daily Mail.
Në postim ajo përfshiu edhe disa momente nga dasma e tyre, e cila u mbajt rreth pesë muaj më parë.
Gëzuar ditëlindjen dashuria ime. Të dua me gjithë zemër
-shkroi Selena Gomez në mbishkrimin e postimit.
Fotografitë tregojnë momente të ndryshme nga marrëdhënia e tyre, përfshirë pamje nga ceremonia e martesës në California, një ditë relaksuese në diell dhe disa foto spontane të çiftit duke kaluar kohë me miqtë.
Në komentet e postimit, Benny Blanco iu përgjigj me një mesazh romantik:
Je dhurata më e mirë për ditëlindje që mund të kërkoj ndonjëherë
Postimi vjen vetëm disa ditë pasi producenti u bë temë diskutimi në rrjetet sociale për shkak të kritikave ndaj pamjes së këmbëve të tij, ndërsa Selena Gomez reagoi ndaj komenteve negative duke postuar një video ku i puthte këmbët.
