Pas viteve të tëra spekulimesh, Taylor Swift ka vendosur të mos ngjitet në skenën e Super Bowl-it këtë vit, pavarësisht kërkesave të përsëritura nga kompania Roc Nation, e themeluar nga Jay-Z.
Këngëtarja e famshme, e cila aktualisht është në një lidhje me yllin e futbollit amerikan, Travis Kelce, ka treguar se arsyeja e këtij vendimi lidhet me përkushtimin ndaj partnerit të saj.
Në një intervistë për emisionin “The Tonight Show” më 6 tetor, Taylor konfirmoi se Roc Nation ka kontaktuar disa herë ekipin e saj për të diskutuar mundësinë e një performance në Super Bowl.
Jay-Z ka qenë gjithmonë shumë i sjellshëm me mua, por këtë herë ndjej se nuk është momenti i duhur
-tha ajo.
Këngëtarja shtoi se përkushtimi i Travis ndaj sportit është një faktor që e ka bërë të reflektojë.
Jam e dashuruar me një djalë që merret me atë sport, dhe është shumë i rrezikshëm. Nuk mund të mendoj për koreografi ndërsa ai rrezikon jetën çdo javë
-u shpreh Taylor me sinqeritet.
Megjithatë, ajo nuk e përjashtoi mundësinë e një performance të ardhshme në skenën më të madhe të Amerikës, duke lënë të kuptohet se një ditë mund ta shohim në Super Bowl — ndoshta pasi Kelce t’i japë fund karrierës së tij sportive.
