Sigurisht që të gjithë biem dakord që Brad Pitt është një ndër aktorët më të mëdhenj të Hollywood-it. Por a e dinit që tashmë atë do ta shohim në një fushë tjetër përveç aktrimit? Mësohet së fundmi se Brad Pitt po nis një karrierë të re në industrinë e muzikës.
Aktori 57-vjeçar është bashkuar me producentin muzikor dhe fituesin e çmimit “Emmy”, Damien Quintard për të rihapur ‘Miraval Studios’, objekti legjendar i regjistrimit të vendosur në Chateau Miraval në Correns, Francë, që ka organizuar sesione për Pink Floyd, Sting dhe Cranberries. Studioja muzikore, e cila u ndërtua në vitin 1977 nga pronari i atëhershëm i Chateau Miraval, Jacques Loussier, mbeti kryesisht i papërdorur për dy dekada derisa Pitt dhe Quintard vendosën të rinovojnë hapësirën për muzikantët për të regjistruar këngë të reja. Në një deklaratë për shtyp, Quintard tha se ai u përshtat menjëherë me Pitt kur të dy u takuan në Paris.
Ishte një moment intensiv ku ne thjesht folëm dhe folëm për muzikën. Isha i habitur se sa i ndjeshëm dhe i saktë ishte ai në analizën e tij të muzikës.
Studioja e restauruar do të paraqesë pjesën më të madhe të pajisjeve të saj origjinale të regjistrimit të integruara në një mjedis modern, duke përfshirë një tavolinë të projektuar personalisht nga Pitt dhe Quintard. Ai gjithashtu do të ketë dhoma të shumta regjistrimi, zyra për editimin e zërit dhe videove dhe një kat i ndërmjetëm me pamje nga e gjithë studioja. Quintard tha se:
Objekti ka ripërcaktuar një kumbim të jashtëzakonshëm natyror, në mënyrë që ne të mund të regjistrojmë zëra ose instrumente kudo në studio. Është me të vërtetë një hapësirë ku mund të prodhosh çdo gjë nga pop dhe rock, në disqe hip-hop dhe klasike.
Rikujtojmë se, Brad Pitt thuhet se e ka të vështirë të dalë sërish pas ndarjes nga ish-bashkëshortja e tij Angelina Jolie. Aktori 57-vjeçar i Hollywood-it dhe aktorja e “Eternals” u deklaruan ligjërisht beqarë në prill të vitit 2019 pasi u ndanë në shtator të vitit 2016. Por çifti ende po zbulon detajet e ndarjes së tyre, duke përfshirë kujdestarinë e gjashtë fëmijëve të tyre. Mes dramës së vazhdueshme mes tyre, burimet thonë se Brad është i etur për të gjetur “të duhurën” dhe do të donte shumë të dilte përsëri, por ata thonë se ai është në mëdyshje.
