Aktorja e njohur Jennifer Lawrence i ka kërkuar yllit të kinematografisë Robert De Niros të largohej nga dasma e saj me Cooke Maroney pasi ajo i konsideroi kushtet si shumë të ngjashme me Hunger Games. Gjatë bisedës në tapetin e kuq me “E! News” në çmimet Golden Globe 2024, aktorja zbuloi se dasma e saj u bë super stresuese dhe ajo filloi të shqetësohej për të ftuarit e saj. “Është kaq stresuese. Nuk po argëtoheni. Ju thjesht thoni: “A po argëtohet ai person?”. Lawrence gjithashtu bëri shaka se të jesh nuse është “e tmerrshme”.
Nuk do ta harroj kurrë, po shqetësohesha për të ftuarit që kishin ftohtë dhe të gjithë miqtë e mi po gënjenin duke thënë: “Askush nuk ka ftohtë, gjithçka është në rregull”.
Lawrence dhe Maroney mbajtën një dasmë për 150 të ftuarit e tyre në Belcourt të Newport, një rezidencë luksoze në Rhode Island. Lista e të ftuarve përfshinte Adele, Amy Schumer, Kris Jenner, Emma Stone, Ashley Olsen, Nicole Richie, Joel Madden, Cameron Diaz, Sienna Miller dhe De Niro, me të cilin ajo luajti në vitin 2012 në “Silver Linings Playbook”, “American Hustle” i vitit 2013 dhe “Joy” i vitit 2015.
Jennifer filloi të shqetësohej veçanërisht për mirëqenien e De Niros gjatë darkës së saj të provave.
Pashë Robert që nuk njihte njeri dhe po ecte vërdallë dhe menjëherë mendova: “Jo, kjo nuk është ajo që ai do të bëjë. Nuk e dua këtu. Shkova pranë tij dhe i pëshpërita: “Shko në shtëpi”. Ai ishte i sjellshëm, foli me prindërit e mi, por unë i thashë: “Shko”.
Rikujtojmë, se De Niro është përfshirë së fundmi në një mosmarrëveshje ligjore me ish-asistenten e tij. Sipas raportimeve të agjencisë së lajmeve, Radar Online, konflikti ligjor mes aktorit të famshëm dhe ish-punonjëses së tij, Graham Chase Robinson, ka të bëjë me disa akuza për abuzim verbal të drejtuar ndaj saj nga aktori. Si i tillë, De Niro u paraqit në gjykatën federale për të dëshmuar kundër akuzave të Robinson, për të cilat ajo pretendon se aktori përdori sharje, dhe u angazhua në biseda të papërshtatshme telefonike me të.
