Botë e Çuditshme Lifestyle

Luleshtrydhja gjigante vendos rekordin botëror të Guinness!

Një fermer izraelit ka shënuar rekordin Guinness, pasi ka rritur luleshtrydhet më të mëdha në botë. Bëhet fjalë për fermerin Chahi Ariel, i cili ka kultivuar luleshtrydhe me peshë 289 gramë, 5 herë më të madhe se pesha mesatare e një kokrre të kuqe, të zakonshme të varietetit lokal Ilan. Luleshtrydhja ishte 18 centimetra e gjatë dhe 34 centimetra në perimetër, sipas Guinness.

Ndërkaq, fermeri u shpreh se:

Luleshtrydhet u zhvilluan ngadalë për më shumë se 45 ditë nga lulëzimi, gjë që shkaktoi madhësinë e saj të madhe në fazën e pjekjes së plotë.

Ariel kishte shpresuar se do të ishte fitues kur panë se sa të mëdhaja po rriteshin frutat në fermën e tij familjare vitin e kaluar. Ai ka pritur konfirmimin për një rekord ndërsa mbante si provë luleshtrydhen gjigante në frigorifer.

Kur dëgjuam, ishte një ndjenjë e mahnitshme. Unë u hodha në makinë, qesha dhe këndova. Ne e kemi pritur këtë për një kohë të gjatë.

Moti i pazakontë i ftohtë në fillim të vitit 2021 ngadalësoi procesin e pjekjes së luleshtrydhes, duke e lejuar atë të vazhdojë të fitojë peshë.

Rikujtojmë se rekordi i mëparshëm për luleshtrydhet më të rënda në botë ishte 250 g, i rritur nga Koji Nakao në Fukuoka, Japoni në vitin 2015.