Më shumë se 10 mijë pasagjerë që fluturojnë me Air New Zealand gjatë qershorit do t’u kërkohet të maten në një peshore përpara se të hipin në fluturimin e tyre. Linja ajrore dëshiron që ata që udhëtojnë në fluturimet e saj ndërkombëtare të marrin pjesë në një studim të peshës së pasagjerëve.
Kjo është një nismë “e rëndësishme” për të garantuar “operimin e sigurt dhe efikas të aeroplanit”, sipas Air New Zealand, dhe është gjithashtu një kërkesë e Autoritetit Kombëtar të Aviacionit Civil. Pasagjerët e kësaj kompanie janë peshuar në fluturimet e brendshme në vitin 2021 dhe tani që janë krijuar udhëtimet ndërkombëtare pas pandemisë së koronavirusit, është koha që të peshohen edhe ato në fluturimet ndërkombëtare.
Është shkruar më parë se matja e peshës së çdo pasagjeri përpara një fluturimi mund të rrisë sigurinë dhe të zvogëlojë dëmtimin mjedisor të shkaktuar nga çdo fluturim. Aktualisht, linjat ajrore përdorin “masën e supozuar”, duke vlerësuar peshën totale të pasagjerëve duke përdorur numrat e paracaktuar. Alastair James, specialist i përmirësimit të kontrollit të ngarkesës në Air New Zealand u shpreh:
Ne e dimë se hipja në peshore mund të jetë frikësuese. Ne duam të sigurojmë klientët tanë se nuk ka asnjë ekran të dukshëm askund dhe askush nuk mund ta shohë peshën tuaj, madje as ne. Është plotësisht anonime. Është e thjeshtë, është vullnetare dhe duke u peshuar, do të na ndihmoni t’ju drejtojmë në mënyrë të sigurt dhe efikase çdo herë.
Ai tha se para çdo ngritjeje, piloti duhet të dijë peshën dhe ekuilibrin e aeroplanit të ngarkuar. Peshimi do të kryhet në hyrje të sallës së portës së fluturimeve të zgjedhura të Air New Zealand që nisen nga Aeroporti Ndërkombëtar i Auckland deri më 2 korrik të vitit 2023.
Rikujtojmë se, Air New Zealand është zyrtarisht linja ajrore më e mirë e vitit, të paktën sipas agjencisë me bazë në Australi për sigurinë e aviacionit dhe vlerësimin e produkteve AirlineRatings.com. AirlineRatings.com citon shtretërit ekonomikë intrigues të SkyNest të AirNZ – të vendosura për t’u nisur në 2024 – si një nga faktorët kryesorë që përcaktojnë vendin e saj numër një.
