Shefi i famshëm i kuzhinës Gordon Ramsay ka mirëpritur fëmijën e tij të gjashtë me gruan Tana. Këtë zbulim e ka bërë vet 57-vjeçari me anë të një postimi në llogarinë e tij në Instagram, ku ka postuar një foto nga materniteti dhe ka shkruar: “Sa dhuratë e mrekullueshme për ditëlindje, mirë se erdhe Jesse James Ramsey, 3.1 kg!! Një tjetër paketë dashurie për “brigadën” Ramsay!! 3 djem, 3 vajza… Kaq.”
View this post on Instagram
Çifti tashmë janë prindër të Meganit, më e madhja, e cila tashmë është në të 20-at, binjakët Jack dhe Holly, Matilda ‘Tilly’ dhe Oscar. Gordon Ramsay njihet shumë për figurën e tij si pjesë e botës së kulinarisë si një ndër shefat më të famshëm në botë, por familja e tij e madhe është padyshim në qendër të vëmendjes kur bëhet fjalë për jetën e tij private. Rikujtojmë se së fundmi duke diskutuar me Jamie Theakston dhe Amanda Holden në emisionin ‘Heart Breakfast’, Ramsay foli për familjen e tij.